– हरि अधिकारी
विराटनगर, २९ पुस 2072 । श्रीमानले छोराछोरीको पालन पोषणमा चासो नदिएपछि तीन वटा सन्तानको दायित्व उनको काधमा थियो ।
मजदुरी गरेर कमाएको पैसाले छोराछोरीलाई पाल्न गाह्रो भइरहेको अवस्थामा उनलाई भारतसम्म साथी गए व्यापार गर्ने पैसा दिने अफर आयो ।
व्यापार गर्ने पैसा भए दुःख गर्नु नपर्ने सोँचेर विराटनगर– ११ की मञ्जुदेवी मुखिया छिमेकी मीना यादवले भनेपछि मख्ख परिन् । व्यापार गर्न मीनाले पाच हजार पैसा दिने आस देखाएपछि उनकी साथमा भारततिर लागिन् ।
व्यापार गर्ने पैसा पाउने आसले मञ्जुको पछि लागेर गएकी उनी अपाङ्ग भएर नेपाल फर्किएकी छन् । १४ महिना अगाडिको घटना सम्झिएर भावुक हुँदै मञ्जुले भनिन्, ‘बेच्न लगेको थाहापाएपछि घर लैजान भने, घर लैजान्छुभन्दै टेम्फोबाट अरअरिया लैजाँदा दुर्घटना भयो ।’
टेम्पो दुर्घटना भएपछि उनी बेचिनबाट त जोगिन । तर मञ्जु अपाङ्ग बनेर स्वदेश फर्किन । तीन सन्तानको साहरा मञ्जु दुर्घटनामा परेपछि अरुको साहरामा बाच्न बाध्य भएकी छन् ।
दुर्घटनामा परी देबे्र खुट्टाको दुई ठाउँमा भाँचिएपछि मञ्जु र उनकी दिदी मिलेर पश्चिम बंगालको एउटा अस्पतालमा छोडेर हिँडेका थिए ।
उनको साथमा रहेको मोवाइल फोन र सबै रकम खोसेर अपलपत्र अवस्थामा छोडेपनि त्यहाँका चिकित्सकको सहयोगमा परिवारको सम्पर्कमा आएर मञ्जु घर फर्कीएकी हुन् ।
भारत कुर्सकक्टा माइत रहेकी मञ्जुले माइतसम्म गए पाँच हजार दिने लोभ देखाएपछि मञ्जु, मीनाको साथ लागेर कुर्सकट्टा गएकी हुन् ।
तर पैसा पाउने आसमा छिमेकीलाई विश्वास गरेर भारत गएकी उनी अहिले बैसाखीको साहाराविना हिँड्डुल गर्न नसक्ने भएकी छन् ।
दुवै खुट्टा भाँचिएपछि उनी अहिले माइतीको साहरामा बच्न बाध्यछिन् । भएको सवै सम्पत्ति उपचार गर्दै सकिएको उनकी आमा बिन्दु मुखियाले बताइन् । भनिन्, ‘डाक्टरले थप उपचार गर्नुपर्छ भन्छन् । पैसा नभएर भौतारीरहेको छु ।’
पाँच हजार दिन्छुभन्दै अरअरिया बेच्न लगेकी मीनालाई प्रहरीले कारवाहीको साट्टो संरक्षण गरीरहेको छ । जसोतसो नेपाल फर्किएर मीनालाई कारवाहीका लागि प्रहरीमा उजुरी गर्दा पनि प्रहरीले कारवाही नगरी छाडेको उनको गुनासो छ ।
दुई घण्टाका लागि साथी जाउँभन्दै कुशाहाकट्टा पुगाएर जवरजस्ती बेच्न लैजान दुर्घटना भएर आफू बचेपनि नेपाल फर्केर प्रहरीमा उजुरी गर्दा प्रहरीले हप्कीदप्की गरेर पठाएको उनको गुनासो छ ।
जिल्ला प्रहरी कार्यालयमा उजुरी दिएपनि प्रहरीले उपचार खर्च वापत ३५ हजार दिने सहमति गराएर पीडकलाई उन्मुक्ति दिएको उनको गुनासो छ ।
http://news-nepal.com/2016/01/13/11507.html
No comments:
Post a Comment